Цэнтрвыбаркам зрабіў чарговы крок для арганізаванага правядзення галасавання на прэзідэнцкіх выбарах: зацверджаны пералік дакументаў, па якіх выбаршчыкі могуць прагаласаваць на сваіх участках. У гэты спіс уключаны вадзіцельскае пасведчанне, ваенны білет (для ваеннаслужачых тэрміновай службы), службовае пасведчанне дзяржаўнага служачага, пенсіённае пасведчанне (калі у ім ёсць здымак), студэнцкі білет і даведка органаў унутраных спраў (для грамадзян, якія не маюць пашпарта). 

Пры прад'яўленні аднаго з названых дакументаў выбаршчык атрымае бюлетэнь для галасавання на падставе спіса грамадзян, якія маюць права ўдзельнічаць у выбарах. Часу дастаткова для кожнага, каб пераканацца, што яго прозвішча ўнесена ў такія спісы. А для гэтага Міёрская раённая камісія па выбарах Прэзідэнта Рэспублікі Беларусь спецыяльна абнародавала рэжым работы ўчастковых камісій.

Падрыхтаваў Леанід МАТЭЛЕНАК.