Дзяржаўны сакратар Савета Бяспекі Рэспублікі Беларусь Аляксандр ВАЛЬФОВІЧ наведаў пункт пропуску «Урбаны» пры ўдзеле Старшынь Дзяржаўных мытнага камітэта Уладзіміра АРЛОЎСКАГА і пагранічнага Анатоля ЛАПО.

Дзяржаўны сакратар Савета Бяспекі ацаніў выніковасць праведзенай рэканструкцыі пункта пропуску, азнаёміўся з асаблівасцямі прымянення інспекцыйна-даглядавых комплексаў і тэхнічных сродкаў кантролю.

 
Аляксандру Вальфовічу далажылі аб дзейнасці мытных органаў і выніках работы ў 2020 годзе. Так, выяўлена 300 злачынстваў, спынена больш за 33,3 тысячы правапарушэнняў. З незаконнага абароту адабрана звыш 952 кілаграмаў наркотыкаў – прырост да 2019-га ў паўтара раза. Значны ўклад у выкрыццё злачынных схем уносіць выкарыстанне інспекцыйна-даглядавых комплексаў. За тры гады з іх дапамогай выяўлена каля 5,5 тысячы правапарушэнняў, а эканамічны эфект ад іх у сярэднім складае 40 рублёў на адзін рубль выдаткаў.

 
З улікам дасягнутых вынікаў Дзяржаўны сакратар Савета бяспекі абазначыў задачы для мытнай і пагранічнай служб на бягучы год.

Па матэрыялах
Дзяржаўнага мытнага камітэта.