Больш за тры тысячы паведамленняў за мінулы год паступіла ў чат-бот афіцыйнага тэлеграм-канала Камітэта дзяржкантролю. Асноўная тэматыка – невырашэнне актуальных пытанняў, парушэнні заканадаўства ў дзейнасці суб’ектаў гаспадарання.

У Камітэт вобласці з чат-бота паступалі паведамленні пра парушэнні ў сферах пасажырскіх перавозак, гандлю, банкаўскай і прадпрымальніцкай дзейнасці, ЖКГ, пажарнай бяспекі і іншыя. Усе праблемныя пытанні накіраваны для разгляду па кампетэнцыі для прыняцця мер.

Напрыклад, па паведамленні пра незабеспячэнне бяспечнай эксплуатацыі абсталявання ў адным з забаўляльных цэнтраў Віцебскім абласным упраўленнем МНС кіраўніку ўнесена прадстаўленне пра ліквідацю парушэнняў.

Таксама ДП «ЖРЭТ г. Віцебска» праведзена замена дэфектнага ўчастка дахавага пакрыцця ў межах кватэры заяўніка, праведзены работы па ўмацаванні канструкцыі і выпраўленні дэфектаў дзіцячага гульнёвага комплексу.