308 закупак прааналізавана ў першым паўгоддзі. Колькасць парушэнняў заканадаўства пры правядзенні прадпрыемствамі і арганізацыямі працэдур закупак тавараў (работ, паслуг) скарачаецца.

Разам з тым маюць месца факты ў частцы ўстанаўлення незаконных патрабаванняў да прадмета закупкі і завышэння яго кошту. Не размяшчаюцца звесткі пра спосаб атрымання дакументацыі пра закупку, месца падачы прапаноў удзельнікамі закупкі, паведамленняў пра вынікі закупкі і іншыя звесткі ў адпаведнасці з устаноўленым парадкам закупак.

У сувязі з выяўленымі фактамі парушэнняў заканадаўства адменена 37 працэдур закупак і ўнесены змяненні ў 64, у тым ліку ў частцы зніжэння кошту прадмета закупкі. У выніку забяспечана эканомія звыш двух мільёнаў рублёў дзяржаўных і ўласных сродкаў арганізацый.

Да адміністрацыйнай адказнасці прыцягнута 14 фізічных асоб, у адносінах да трох вынесена пастанаўленне аб спыненні справы аб адміністрацыйным правапарушэнні з папярэджаннем.

Невыкананне патрабаванняў заканадаўства па размяшчэнні ў поўным аб’ёме інфармацыі пра закупкі скарачае для пакупнікоў кола патэнцыяльных пастаўшчыкоў (падрадчыкаў, выканаўцаў), а таксама зніжае верагоднасць атрымання тавараў (работ, паслуг) па больш выгаднай цане, што ў сваю чаргу ўказвае на карупцыйны складнік пры правядзенні такіх закупак.