Вывучана работа шэрагу гандлёвых аб’ектаў Полацка і Оршы, Полацкага, Аршанскага, Талачынскага і Дубровенскага раёнаў. Асаблівая ўвага надавалася насычэнню таварамі для дзяцей дашкольнага і школьнага ўзросту, іх якасці і даступнасці для пакупнікоў. 

У адным з магазінаў Дуброўна цэны на канцылярскія прылады былі завышаны на 12-16 %. У шэрагу прадпрымальнікаў Оршы адсутнічалі дакументы, што пацвярджаюць абгрунтаванасць прымянення гандлё- вай надбаўкі на тавары (дзіцячае адзенне), у адносінах да якіх ажыццяўляецца рэгуляванне цэн. 

Таксама выяўлены парушэнні правіл продажу асобных тавараў, факты невыканання санітарна-эпідэміялагічных норм, патрабаванняў тэхнічных рэгламентаў па маркіроўцы тавараў, цэнавага заканадаўста. 

Па выніках кантрольных мерапрыемстваў тавары з мінулымі тэрмінамі прыдатнасці і завышаным коштам зняты з рэалізацыі, аформлены цэннікі на ўсе віды прадукцыі.