Выяўлены факты завышэння межавага кошту дзяржзакупак.

Да прыкладу, забяспечана эканомія звыш 18 тысяч рублёў бюджэтных сродкаў пры закупцы адной з сельгас- арганізацый Талачынскага раёна работ па зносе невыкарыстоўваемай капітальнай пабудовы за кошт выключэння з каштарысу неабгрунтаваных затрат на ўтрыманне службы заказчыка, непрадбачаных расходаў.

Сэканомлена каля 48 тысяч рублёў пры арганізацыі адной з лесагаспадарчых устаноў закупкі паслуг па агароджванні плошчаў лясных культур за кошт правядзення ўказаных работ сіламі супрацоўнікаў лясгаса.

Адменена закупка арганізацыі ЖКГ г. Талачына, дзе ўстаноўлена неабгрунтаванае завышэнне кошту работ па бягучым рамонце асфальтавага пакрыцця ў выніку прымянення павышальнага каэфіцыента абмежаванасці і ўключэння ў каштарыс падатку на дабаўлены кошт.

Таксама адменена закупка работ па замене аконных блокаў у інтэрнаце адной з устаноў адукацыі г. Віцебска ў сувязі з выяўленымі фактамі драбнення аднаго прадмета закупкі і няправільнага выбару працэдуры.

Акрамя таго, пры арганізацыі закупак устаноўлены факты парушэння парадку заключэння дагавораў, тэрміну размяшчэння вынікаў працэдуры закупкі, зместу запрашэння і дакументацыі пра закупку, тэрміну для падрыхтоўкі прапаноў.

За парушэнне парадку правядзення дзяржзакупак прадугледжана адміністрацыйная адказнасць: штраф да 50 базавых велічынь, пры паўторным парушэнні – да 100.