У рэгіёнах вобласці забяспечана магчымасць для продажу прадукцыі ўласнай вытворчасці. 22 % месцаў на рынках, міні-рынках прадастаўлены для рэалізацыі сельгаспрадукцыі, ёсць вольныя гандлёвыя месцы.

Паслугамі рынкаў для продажу ўласнай сельгаспрадукцыі ў асноўным карыстаюцца фізічныя асобы. Малая колькасць фермерскіх гаспадарак тлумачыцца рэалізацыяй сваёй прадукцыі оптам або ў стацыянарных гандлёвых аб’ектах. Да прыкладу, адна з буйных фермерскіх гаспадарак вобласці рэалізуе сваю прадукцыю гандлёвым сеткам, індывідуальным прадпрымальнікам, бальніцам, дамам-інтэрнатам, папраўчым установам і інш.

Падчас кантрольных мерапрыемстваў на сямі рынках у Віцебску, Оршы, Полацку і Наваполацку ў шэрагу фізічных асоб, якія гандлююць уласным ураджаем, выяўлены парушэнні. Рэалізоўвалася сельгаспрадукцыя, не ўнесеная ў даведкі, па несапраўдных даведках або ўвогуле без іх, а таксама без праходжання ветэрынарна-санітарнай экспертызы. Прыняты меры па выпраўленні сітуацыі.

Па выніках маніторынгу ўнесены прапановы па змяненні заканадаўства ў частцы актуалізацыі дзеючых норм адбору проб і іх перыядычнасці ў фізічных асоб уласнай прадукцыі раслінаводства для правядзення ветсанэкспертызы, а таксама іншыя прапановы ў мэтах павышэння эфектыўнасці функцыянавання рынкаў.