Падчас абследавання зернесушыльнага комплексу аднаго з сельгаспрадпрыемстваў Міёрскага раёна былі выяўлены парушэнні пры захаванні больш за 40 тон рапсу.

Прадукцыйнасць зернесушыльнага комплексу не дазваляла аператыўна высушыць зерне. Больш за суткі насенне захоўвалася пад адкрытым небам без укрывальнага матэрыялу. Замеры вільготнасці паказалі значнае перавышэнне нормы: 23,7 % пры нарматыве 8 %.

Пры гэтым адказныя асобы належных мер для захавання ўраджаю не прымалі, што магло прывесці да яго псавання. Пасля ўмяшальніцтва Камітэта частка насення рапса перададзена на дасушванне ў іншую гаспадарку раёна, частка рэалізавана.