Звыш 13 мільёнаў рублёў бюджэтных сродкаў сэканомлена ў першым паўгоддзі Камітэтам вобласці пры будаўніцтве буйных сацыяльных і прамысловых аб'ектаў.

Да прыкладу, папярэджана залішняе расходаванне сродкаў бюджэту ў суме звыш чатырох мільёнаў рублёў пры рэалізацыі буйнога сацыяльнага аб'екта ў Віцебску. Вывучана праектная дакументацыя, праведзены рабочыя нарады з усімі ўдзельнікамі будаўніцтва. У выніку выпраўлены памылкі праекціроўшчыкаў, адкарэкціраваны кошт дарагога абсталявання, прыняты асобныя больш рацыянальныя рашэнні, якія не ўплываюць на якасць работ і эксплуатацыйныя ўласцівасці аб'екта.

Аналагічным чынам на 0,5 мільёна рублёў зніжаны расходы бюджэту на рэканструкцыю адной з рэспубліканскіх дарог.

Таксама сумесна з эксплуатуючай арганізацыяй дзяржкантралёрамі была забяспечана эканомія бюджэтных сродкаў у суме больш за восем мільёнаў рублёў пры ўзвядзенні ачысных пабудоў у райцэнтры.