Областной конкурс по элементарной реабилитации людей с инвалидностью по зрению «новый статус» состоялся 8 августа в Витебске. Успешно представила Миорский район София Гуз из Узмен.

 Абласны конкурс па элементарнай рэабілітацыі людзей з інваліднасцю па зроку «Новы статус» адбыўся 8 жніўня ў Віцебску. Паспяхова прадставіла Міёрскі раён Сафія Гуз з Узмён.

– Конкурс праходзіў з мэтай заматываваць да самаразвіцця і самарэалізацыі людзей з інваліднасцю па зроку, павысіць іх узровень рэабілітаванасці, – заўважае намеснік дырэктара ТЦСАН Міёрскага раёна Ліліяна Батарчук. – Удзельнікаў чакалі чатыры выпрабаванні. Дэманстравалі навыкі прасторавага арыенціравання, абыходжання з ціфлатэхнічнымі сродкамі рэабілітацыі, чытання па сістэме Брайля, карыстання смартфонам з адаптыўнымі дадаткамі. Сафія Гуз стала першай у валоданні ціфлатэхнічнымі сродкамі рэабілітацыі і заняла трэцяе месца ў агульным заліку. Віншуем нашу пераможцу!

Кацярына Рынкевіч.
Фота прадаставіла Ліліяна БАТАРЧУК.