Людміла АСТУКЕВІЧ,

загадчыца аддзялення

тэрміновага сацыяльнага

абслугоўвання ТЦСАН.

Фота для ілюстрацыі.

Веснавая пара — клопатны час для адзінокіх і адзінока пражываючых пажылых грамадзян, якія жывуць ва ўласных дамах у вёсках і горадзе. Пасля "зімоўкі", як грыбы пасля дажджу, пачынаюць "вылазіць" бытавыя праблемы: пахілілася агароджа, сарвала шыфер з веранды, патрабуецца рамонт аконнай рамы і многае іншае. Не ўсім сталым людзям пад сілу справіцца з такімі праблемамі. Многія вымушаны шукаць майстра. 

Вырашыць бытавыя пытанні і з невялікімі затратамі прапануе пенсіянерам Тэрытарыяльны цэнтр сацыяльнага абслугоўвання насельніцтва.
У спісе паслуг валка дрэў бензапілой з адсяканнем сукоў і далейшай апрацоўкай; распілоўка дрэў і колка дроў, іх укладка; чыстка дымаходаў, перанос торфабрыкету; рамонты аконных і дзвярных каробак, падлогі з заменай некаторых дошак, уладкаванне агароджы; пафарбоўка агароджы, сцен, столі і падлогі; уладкаванне каркаса цяпліцы, пакрыццё яе плёнкай; рамонт мэблі, механізаваная касьба травы, рамонт тынкоўкі сцен, устаноўка (рамонт) дзвярных ручак (замкоў). Усе пералічаныя віды работ вопытны спецыяліст выканае якасна і хутка. Тэлефон для даведкі 4 17 72.