Шчаслівай асенняй рыбалкі

Асеннія месяцы лічацца найлепшымі для рыбалкі. Каб яна была не толькі паспяховай, але і бяспечнай, важна выконваць наступныя правілы:

v збіраючыся на рыбалку, папярэдзьце блізкіх пра месца, куды ідзяце, і час вяртання. У ветранае надвор’е і цёмны час сутак лепш застацца дома;
v алкаголь рыбалову не таварыш. Як сведчыць статыстыка, больш чым у 90 % здарэнняў на вадзе пацярпелымі аказваюцца мужчыны ў стане алкагольнага ап’янення;
v рыбачце, не адыходзячы далёка ад берага;
v у лодцы павінны быць сродкі ратавання і падачы сігналаў. Абавязкова апрануць выратавальную камізэльку;
v не перагружайце лодку. Да прыкладу, калі яна разлічна максімум на трох чалавек, не трэба ўладкоўвацца ў ёй учатырох;
v тым, хто рыбачыць з лодкі, абавязкова трэба ўмець плаваць. Гэты навык дапаможа выратавацца самому і дапамагчы таварышу.

Уладзімір КАНАПЛЁЎ,
начальнік выратавальнай станцыі.