Дапамагаць са зборамі дзяцей у школу сваім супрацоўнікам у прафсаюзнай пярвічцы Міёрскай ЦРБ стала традыцыяй. Сёлета ў рамках пастаяннай дабрачыннай акцыі «Прафсаюзы – дзецям» зноў далучыліся да добрай справы пад дэвізам «Збяром школьны партфель».

– У акцыі «Збяром школьны партфель» удзельнічаем кожнае лета, – заўважае старшыня прафсаюзнай пярвічкі Святлана Карпеза. – У гэтым годзе 600 рублёў выдзелілі сем’ям, у якіх дзеці ідуць у першы клас. Такіх у нас 12, двое са шматдзетных сем’яў. Бацькі атрымалі сертыфікаты на набыццё школьных прылад. Яшчэ дапамаглі 19 шматдзетным сем’ям з дзецьмі-школьнікамі і дзвюм сем’ям, у якіх выхоўваюцца дзеці-інваліды. Усяго з прафсаюзнага бюджэту на зборы ў школу накіравалі 3 094 рублі.

Кацярына РЫНКЕВІЧ.

Фота для ілюстрацыі.