Да 16 студзеня прадоўжыцца дабрачынная кампанія “Елка жаданняў” па зборы цацак, адзення, абутку, пісьмовых, спартыўных і бытавых прылад, прадуктаў.

Ахвяраванні можна пералічыць праз сістэму АРІП і з дапамогай СМС-паведамленняў. У першым выпадку выберыце пункт “Дабрачыннасць, грамадскія аб’яднанні”, затым “Дапамога дзецям, дарослым”, “Беларускі Чырвоны Крыж”, “Віцебская абласная арганізацыя БТЧК”, “Дабрачынныя ўзносы”, увядзіце нумар акцыі — 2028, пры жаданні імя і прозвішча.

З мабільнага тэлефона адпраўце тэкст “1472 2028 СУМА” (укажыце памер) на кароткі нумар 553. Абавязкова стаўце прабелы паміж кодамі і сумай.

Дзякуючы вам дапамогу атрымаюць сем’і, якія выхоўваюць дзяцей з інваліднасцю, шматдзетныя, няпоўныя, прыёмныя і апякунскія сем’і. Маюць патрэбу ў гэтым адзінокія пажылыя, людзі старэйшага ўзросту з інваліднасцю, або якія знаходзяцца ў сацыяльных установах.
Запрашаем юрыдычных асоб далучыцца да дабрачыннай кампаніі. Разам мы многае зможам!

Фота для інтэрнэта.
Галіна ЖЭЛАНАВА, старшыня
Віцебскай абласной арганізацыі БТЧК.