З верасня бягучага года ў Беларусі праводзіцца маштабнае мерапрыемства, фармат якога разлічаны на ўдзел шырокага кола маладых людзей і накіраваны на актыўнае ўключэнне іх у рашэнне сацыяльна-эканамічных, культурных, дзелавых, экалагічных і іншых праблем, а таксама акумуляванне ідэй у сферы моладзевай палітыкі, рэалізацыю ідэй.

Гаворка ідзе пра адкрыты дыялог "Моладзь Беларусі: традыцыі і будучыня", ініцыятарам якога пры падтрымцы Міністэрства адукацыі выступіла грамадскае аб'яднанне "Беларускі рэспубліканскі саюз моладзі" ў межах падрыхтоўкі да 42-га з'езда сваёй арганізацыі.

Мерапрыемствы праекта пройдуць паэтапна: з верасня да канца кастрычніка яны ахопліваюць раённы і гарадскі ўзроўні, у лістападзе пяройдуць на абласны, у снежні — на рэспубліканскі.

Кола ўзнятых пытанняў — ад глабальных да асобасных: як зрабіць жыццё маладога пакалення беларусаў духоўна насычаным, супрацьстаяць шкодным звычкам, развіць і рэалізаваць на карысць краіны творчы і навуковы патэнцыял моладзі і г.д.

Фармат адкрытага дыялогу прадугледжвае правядзенне сустрэч з вядомымі людзьмі, грамадскімі дзеячамі, прадстаўнікамі органаў дзяржаўнага кіравання і міжнароднай супольнасці, онлайн-семінараў, веб-канферэнцый, апытанняў і інш.

Асноўная інфармацыя пра мерапрыемства размешчана на галоўнай старонцы інтэрнэт-сайта ГА "БРСМ" www.brsm.by у раздзеле "Галоўныя навіны". Да ўдзелу ў "Адкрытым дыялогу" запрашаюцца ўсе маладыя грама-дзяне Беларусі з актыўнай жыццёвай пазіцыяй!

Арына БАРКОЎСКАЯ.