Да рэспубліканскай акцыі «Прафсаюзы – дзецям» штогод далучаецца прафсаюзная пярвічка Міёрскай ЦРБ. У чарговы раз перад новым навучальным годам матэрыяльна падтрымалі шматдзетных калег і сем’і супрацоўнікаў, чые дзеці ідуць у першы клас.

– Матэрыяльную дапамогу атрымалі 48 дзяцей з 25 шматдзетных сем’яў, – гаворыць лідар прафсаюзнай пярвічкі Святлана Карпеза. – У першы клас сёлета ідуць шэсць дзяцей нашых супрацоўнікаў, у тым ліку адзін першакласнік са шматдзетнай сям’і. Ім таксама выплацілі дапамогу. Агульная сума прафсаюзнай падтрымкі да новага навучальнага года склала 4 140 рублёў.

Кацярына Рынкевіч.
Фота для ілюстрацыі.