Очередные предвыборные агитационные пикеты развернулись в конце прошлой недели у ЦКИНТ в райцентре. Их участники-кандидаты в депутаты Палаты представителей Национального собрания Республики Беларусь и местных Советов, а также их доверенные лица. Напомним, наш край входит в состав Докшицкого избирательного округа № 22.

 Чарговыя перадвыбарныя агітацыйныя пікеты разгарнуліся ў канцы мінулага тыдня ля ЦКіНТ у райцэнтры. Іх удзельнікі – кандыдаты ў дэпутаты Палаты прадстаўнікоў Нацыянальнага сходу Рэспублікі Беларусь і мясцовых Саветаў, а таксама іх давераныя асобы. Нагадаем, наш край уваходзіць у склад Докшыцкай выбарчай акругі № 22.

Гараджане і жыхары раёна праяўляюць высокую зацікаўленасць, але большасць з іх свой выбар ужо зрабіла. Сямейная пара міярчан – Леанід Мікалаевіч і Галіна Антонаўна Курыльчыкі – удзельнічае ў выбарах з 1994 года:

– Падтрымліваем палітыку нашай дзяржавы і Прэзідэнта. Мы, пенсіянеры, галасуем за тое, каб не было вайны. За мір, дабрабыт нашых дзяцей і ўнукаў. 

Прахожыя ўважліва знаёмяцца з інфармацыйнымі лістоўкамі, хтосьці бярэ іх з сабой, каб падрабязней вывучыць дома. «У нас такія ўжо ёсць», – запэўнівае маленькі хлопчык, які прыйшоў на пікет ра-зам з маці. Некаторыя цікавяцца, што ўваходзіць у абавязкі дэпутацкага корпусу, і як ён далей будзе ажыццяўляць сваю дзейнасць.

– Дэпутат, якога народ абярэ ў Палату прадстаўнікоў, будзе абараняць яго інтарэсы на найвышэйшым узроўні. Там прымаюцца законы. Ён будзе ўдзельнічаць у камісіях і адказваць за пэўную галіну. Астатнія ажыццяўляюць дэпутацкую дзей-   насць без адрыву ад асноўнай работы, – уводзіць у курс спраў і нагадвае графік галасавання – датэрміновага і ў адзіны дзень – адзін з кандыдатаў у мясцовыя Саветы.

Выказвае сваю грамадзянскую пазіцыю міярчанка Ксенія Маскаленка:

– Я іду на выбары, таму што мне не абыякавы лёс маёй краіны. Мне важна прыняць удзел у жыцці майго горада. Аддам голас за дастойнага кандыдата.

Задаволена ўсім пажылая пара міярчан. Сумняваюцца: няўжо можна зрабіць яшчэ лепш, чым сёння жывём? Перш за ўсё іх цікавяць пытанні медыцынскага абслугоўвання. У адзін голас заяўляюць: прыдзём на выбары ў адзіны дзень галасавання!

 Вызначыліся з кандыдатамі пажылая жанчына і яе дачка – шматдзетная маці:

– Мы ідзём на выбары, таму што падтрымліваем законы нашай краіны. Будучыня Беларусі залежыць ад голаса кожнага з нас.

Заўважна хвалюецца маладая дзяўчына Яна. Лічыць, што варта падысці да выбару з поўнай адказнасцю:

– Аддаючы свой голас за пэўнага кандыдата, кожны з нас разлічвае на яго кампетэнтнасць і нераўнадушша. Дэпутат – чалавек, максімальна набліжаны да народа, умее слухаць і чуць, выступае за захаванне стабільнасці і міру. Мы павінны думаць пра будучыню і прыняць актыўны ўдзел у выбарах. Ад гэтага залежыць развіццё нашага раёна, вобласці і рэспублікі.

Пацвярджаюць яе словы і кандыдаты ў дэпутаты. Запрашаюць з 20 па 25 лютага прыйсці на выбарчыя ўчасткі і выказаць сваё волевыяўленне. Кожны такім чынам пераследуе як асабістыя мэты, так і грамадскія. Мірнае неба, светлая будучыня, увасабленне мар і планаў у жыццё – тое, да чаго імкнёмся ўсе разам.

Алена Вароніна.
Фотаматэрыял Казіміра Блажэвіча.