З 15 сакавіка па 8 чэрвеня на Віцебшчыне праводзіцца спецыяльнае комплекснае мерапрыемства «Нераст». Яго асноўныя задачы – узмоцнены кантроль за выкананнем грамадзянамі і юрыдычнымі асобамі патрабаванняў заканадаўства ў рыбалоўных угоддзях; вывядзенне з незаконнага абароту сетак і іншых прылад рыбалоўства.

У гэты перыяд праходзяць рэйды па выяўленні правапарушэнняў. Асаблівая ўвага – наяўнасці сетак і іншых забароненых прылад, якія захоўваюцца ў грамадзян, іх захоўванні ў транспартных сродках разам з рыбай, што мае прыкметы здабычы забароненым спосабам (аб’ячэйванне, праколы, ірваныя раны), а таксама месцам рэалізацыі гэтых прылад, фактам браканьерства.

У выпадку добраахвотнай здачы прылад у інспекцыю грамадзянін вызваляецца ад адказнасці.

Падрабязнасці па нумары 8 (033) 364 20 09 – Пётр Мікалаевіч.

Пётр ЦЫВІЛЬКА, начальнік Браслаўскай міжраённай інспекцыі АЖіРС.
Фота для ілюстрацыі.