У лістападзе прайшоў раённы этап рэспубліканскай выставы-конкурсу дэкаратыўна-прыкладной творчасці навучэнцаў "Калядная зорка". Мерапрыемства праводзілася з мэтай выхавання навучэнцаў сродкамі дэкаратыўна-прыкладной творчасці, выяўлення і падтрымкі юных талентаў, захавання і развіцця нацыянальных традыцый. Арганізатарамі выступілі аддзел адукацыі, спорту і турызму райвыканкама, раённы Цэнтр дзяцей і моладзі (РЦДіМ).

У конкурсе прынялі ўдзел 52 вучні з 18 устаноў адукацыі раёна і РЦДіМ. Выстаўлялася 37 індывідуальных і калектыўных работ, выкананых у розных тэхніках: вышыўка, саломка, выцінанка, разьба па дрэве, тэкстыль і г.д. Актыўны ўдзел у выставе-конкурсе прынялі навучэнцы Дзісенскага філіяла РЦДіМ, сярэдніх школ — Завуццеўскай, Чапукоўскай, Міёрскай №1, Слабадской. Якасцю выканання, эстэтычным афармленнем адрозніваліся працы, прадстаўленыя Дзісенскай СШ і Узменскай БШ. Новыя і цікавыя ідэі ўвасобілі ў сваіх працах хлопцы з Язненскай СШ, Даўгінаўскай БШ, СШ №3.

Журы ацэньвала конкурсныя працы ў адпаведнасці з узроставымі катэгорыямі ўдзельнікаў і крытэрыямі ацэнкі адпаведна палажэнню. Лепшымі былі прызнаны наступныя аўтары і калектывы:

ва ўзроставай групе 8-12 гадоў: 1 месца — Анастасія Бельская (гурток "Фабрыка цудаў", Завуццеўская СШ); Вячаслаў Тамашэвіч і Анатоль Хмельнік (студыя "Аснова мастацтва і жывапісу ", Узмёнская СШ); калектыў гуртка "Святло ласкута" (Дзісенскі філіял РЦДіМ); калектыў гуртка "Цестапластыка" (Павяцкая СШ).

2 месца — калектыў аўтараў: Дар'я Махонькава, Паліна Рэут, Ягор Фурс, Елізавета Іванова (гурток "Умелыя ручкі", СШ №1); калектыў аўтараў: Дар'я Каралькова, Васіліна Бунта, Аляксандр Смулькевіч, Дар'я Нікіфарава, Вольга Вільновіч (гурток "Творчая майстэрня", СШ №1); Максім Дулінскі (гурток " Умелыя ручкі ",  Чапукоўская СШ); Вераніка Кукуць (гурток "Вясёлка", CШ №2).

3 месца — калектыў аўтараў: Анастасія Машко, Валерыя Грыдзюшка (гурток "Цестапластыка", Дзісенскі філіял РЦДіМ); Сняжана Цярэшка (Мілашоўская БШ); Ганна Альхімовіч (гурток "Мастацтва рукадзелля", Язненская СШ);

13-16 гадоў: 1 месца — Анастасія Грыдзюшка (гурток "Вясёлка", Дзісненская СШ); Паліна Паршута (гурток "Вясёлка рукадзелля", СШ №3); Алеся Глебка і Ганна Альхімовіч (гурток "Мастацтва рукадзелля", Язненская СШ); Вольга Шчарбіцкая (гурток "Мастацтва рукадзелля", Язненская СШ).

2 месца — Кацярына Шульга (гурток "Сувенір", Сіцькоўская СШ); Ганна Карніцкая (гурток "Майстэрня творчасці", Мікалаёўская СШ).

3 месца — Яна Грэцкая (Даўгінаўская БШ); Вікторыя Рачыцкая (СШ №3); Марыя Пальчэўская, Алеся Пацеенак (Дварнасельская СШ); Юля Кажан (гурток "Умелыя ручкі", Чапукоўская СШ); Максім Смерцеў (Перабродская СШ).

Працы аўтараў, якія занялі першыя месцы, прадстаўлены на абласную выставу-конкурс. Пераможцы раённага этапа "Калядная зорка" ўзнагароджаны граматамі аддзела адукацыі, спорту і турызму райвыканкама.

З 20 лістапада па 20 снежня ў Мёрскім раённым Цэнтры дзяцей і моладзі праходзіла выстава дзіцячых работ па выніках конкурсаў "Калядная зорка" і "На добрую памяць". Журы выказвае падзяку ўсім удзельнікам конкурсу і іх педагогам.

Алена СУШКО, загадчыца аддзела РЦДіМ.