Радаснай навіной дзеліцца праект «Новая жизнь в обмен на крышечки»: завершаны збор для трэцяга падапечнага Андрэя Губара са Смаргоні.

Збор у дапамогу Андрэю Губару распачалі ў лістападзе 2019 года. Чатыры месяцы па ўсёй краіне, у вялікіх гарадах і маленькіх вёсках, збіралі і сартавалі крышачкі, перадавалі іх у сталіцу.
Другасную сыравіну здалі на перапрацоўку. Выручаныя сродкі – 2 950 беларускіх рублёў – перадалі сям’і хлопца 2 сакавіка. На іх набудуць спецыяльную інвалідную каляску.
Свой унёсак у агульны поспех зрабілі жыхары нашага раёна. На Міёршчыне дзейнічае больш за 20 пунктаў збору крышачак.

Фота для ілюстрацыі.
Кацярына РЫНКЕВІЧ.