На Віцебшчыне стартавала акцыя «Добрая справа», арганізаваная сумесна з РУП «Фармацыя». У 28 аптэках рэгіёна пакупнікі змогуць пакінуць падарунак для выхаванцаў дзіцячых дамоў сямейнага тыпу і сацыяльных прытулкаў, цэнтраў карэкцыйна-развівальнага навучання і рэабілітацыі, дзяцей-інвалідаў.

Гэта могуць быць тавары аптэчнага асартыменту, акрамя лекаў: біялагічна актыўныя дабаўкі, рэчы для асабістай гігіены і парфумерна-касметычныя, а таксама харчовыя прадукты, у ліку якіх вітаміны, чаі і інш.

Пакінуць падарунак для дзяцей, якія аказаліся ў складанай жыццёвай сітуацыі, можа кожны жадаючы да 1 лістапада. Запрашаем да ўдзелу ўсіх нераўнадушных. Зрабіць гэта можна ў цэнтральнай аптэцы № 111 па адрасе г. Міёры, вул. Дзяржынскага, 15.

Анжаліка БАНЬКОЎСКАЯ, член Праўлення абласнога аддзялення Беларускага дзіцячага фонду па Міёрскім раёне.