Да 12 студзеня сярод моладзі аб'яўлены конкурс фотаздымкаў "Асаблівы погляд", прымеркаваны да 45-годдзя набыцця Міёрамі статусу горада. Арганізатары--аддзел ідэалагічнай работы, культуры і па справах моладзі райвыканкама, райкам БРСМ. 

Па ўмовах у вызначаны тэрмін трэба прадставіць лепшыя фотаработы краявідаў райцэнтра, сённяшняга ці мінулага. Прыносьце іх у раздрукаваным выглядзе фармату А4 ці А5 у будынак райвыканкама па адрасе вул. Дзяржынскага, 17 у кабінет №6. Самыя вартыя фота прэзентуюцца 13 студзеня ў цэнтральнай раённай бібліятэцы на агульнагарадскім мерапрыемстве да юбілейнай даты Міёр, будуць надрукаваны ў "Міёрскіх навінах". Да таго ж пераможцы ва ўрачыстай абстаноўцы атрымаюць дыпломы і сувеніры.

Адкрыў старт у конкурсе навуковы супрацоўнік музея Аляксандр Рынкевіч сучаснымі пейзажамі і архітэктурай. А ў асабістым архіве іншых міярчан замест Набярэжнай знойдзена драўляная хата і спуск да вады, а на месцы ашчаднага банка—парнік. Далучайцеся і прапануйце сваё!
Алена БАСІКІРСКАЯ.