Ігар МАТЭЛЕНАК

Фотаматэрыялы Казіміра БЛАЖЭВІЧА

Інфармацыйная кампанія Міністэрства па надзвычайных сітуацыях "Ганарымся, што навучылі" набірае абароты. Цяпер выратавальнікі паўсюдна выкарыстоўваюць падчас прапагандысцкіх мерапрыемстваў стульчыкі бяспекі пад назвамі "Пажарная бяспека", "Правілы бяспекі з электрапрыборамі", "Правілы паводзін на вадзе" і "Правілы выкліку выратавальнікаў". Дзеці, стоячы на іх, дэманструюць свае веды. 

Адначасова спецыялісты паказваюць аудыя і відэаролікі, распаўсюджваюць тэматычныя ўлёткі і памяткі. Можна нават паўдзельнічаць у навучальных конкурсах са сваімі бацькамі і атрымаць прыз…

Адна з маштабных сустрэч з юнымі знаўцамі правілаў бяспекі прайшла ў Мінску. Падобная ўрачыстасць фінішіравала нядаўна і ў актавай зале Міёрскай СШ №3 імя Ягора Томка. Па словах інспектара групы прапаганды і ўзаемадзеяння з грамадскасцю райаддзела па надзвычайных сітуацыях Дзмітрыя Плотнікава, "разынкамі" свята сталі афармленне пляцоўкі і гульнёвая праграма:

—Ля гульнёвай пляцоўкі знаходзіліся даволі вядомыя стульчыкі кампаніі "Ганарымся, што навучылі". Бацькі і іх дзеці па чарзе садзіліся на кожны з іх і расказвалі якое-небудзь правіла бяспекі. Такім чынам, падзея стала не только своеасаблівым конкурсам, гульнёй, а яшчэ і захапляльным семінарам.
Мясцовыя выратавальнікі тым часам прапаноўвалі ўсім жадаючым апрануць на хуткасць баявую вопратку. Шмат гледачоў паўдзельнічалі таксама ў конкурсах "Выклікай выратавальнікаў" і "Разгарні цукерку ў пальчатках-крагах". Прайшла дэманстрацыя мабільнага прыкладання "МНС Беларусі. Дапамога побач" і аўтаномнага пажарнага апавяшчальніка. Прысутныя атрымалі размалёўкі, закладкі, а таксама кніжкі "Прыгоды Дашы ў краіне небяспекі".