Полацкі пагранічны атрад запрашае на ваенную службу па кантракце мужчын ва ўзросце ад 18 да 35 гадоў, у тым ліку тых, што не праходзілі тэрміновую ваенную службу – да 25-ці, а таксама жанчын ад 19 да 35 гадоў.

У Верхнядзвінскім раёне ў аддзяленне пагранічнага кантролю «Грыгароўшчына» патрэбны кантралёры, пол не мае значэння, веданне замежных моў вітаецца. На пагранзаставах «Савейкі» і «Бігосава» чакаюць мужчын-інспектараў.

На Браслаўшчыне ёсць вакансіі кантралёраў для мужчын і жанчын у аддзяленні пагракантролю «Урбаны» і «Відзы». Перавага аддаецца тым, хто ведае замежныя мовы. На пагранзаставах «Друя», «Плюсы», «Урбаны» і «Відзы» будуць рады мужчыну-інспектару. На пагранічных пастах «Пакульня», «Карасіна» і «Казяны» чакаюць мужчын-тэхнікаў з вадзіцельскім пасведчаннем катэгорый В, С.

Патрабаванні да вышэйпералічаных кандыдатаў – агульная сярэдняя, прафесійна-тэхнічная, сярэдняя спецыяльная або вышэйшая адукацыя.

Ва ўпраўленні пагранатрада ў пасёлку Фарынава ёсць вакансія начальніка медыцынскага пункта з ліку афіцэраў запасу. Адукацыя – вышэйшая медыцынская. Для фельчара-начальніка аптэкі ветэрынарнага лазарэта – сярэдняя спецыяльная ветэрынарная або вышэйшая ветэрынарная. Прымуць толькі мужчыну, як і на пасаду тэхніка, вадзіцеля аўтамабіля, дзе патрэбна агульная сярэдняя, прафесійна-тэхнічная, сярэдняя спецыяльная або вышэйшая адукацыя. Абавязкова вадзіцельскае пасведчанне катэгорый С, D.

У аддзяленні пагранічнага кантролю «Віцебск» маюць патрэбу ў кантралёры з сярэдняй спецыяльнай ці вышэйшай адукацыяй. Веданне замежных моў вітаецца.

Кандыдат, які паступае на ваенную службу па кантракце, павінен адпавя- даць медыцынскім, прафесійна-псіхалагічным патрабаванням, устаноўленым для праходжання ваеннай службы і канкрэтнай ваенна-ўліковай спецыяльнасці, а таксама па ўзроўні адукацыі, прафесійнай і фізічнай падрыхтоўкі.

Ваенным гарантуецца пенсіённае забеспячэнне па дасягненні 48-гадовага ўзросту пры выслузе гадоў; стабільнае грашовае забеспячэнне ад 1 тысячы рублёў, а таксама ваеннай і спецыяльнай формай; штогадовы адпачынак працягласцю да 45 сутак, сацыяльны водпуск да 10 сутак па сямейных і іншых абставінах; грашовая кампенсацыя за карыстанне жылым памяшканнем па дагаворы найму; льготнае крэдытаванне пры будаўніцтве жылля; бясплатнае медыцынскае абслугоўванне саміх і членаў сем’яў у ваенным шпіталі органаў пагранічнай службы; матэрыяльная дапамога пры ўзнікненні непрадбачаных абставін; штогадовая аднаразовая дапамога на аздараўленне; абавязковае дзяржаўнае страхаванне.

Звяртайцеся ў Полацкі пагранатрад па адрасе Полацкі раён, пасёлак Фарынава, або на нумары 8(0214) 43 30 13, 43 73 12.

Дзяніс ГЛЕБКА, 
афіцыйны прадстаўнік Полацкага пагранічнага атрада.
Фота для ілюстрацыі.