Майстэрства ігры на баяне ў дзіцячай школе мастацтваў асвойваюць 49 навучэнцаў, у тым ліку ў філіяле ў Дзісне. Чаму навучыліся юныя музыкі-міярчане, іх бацькі ўбачылі на сходзе.

Распачаў справаздачны канцэрт узорны аркестр баянаў і акардэонаў. У гэтым творчым калектыве, створаным у пачатку 90-х гадоў, змянілася некалькі пакаленняў юных музыкаў. Аркестр не раз заяўляў пра сябе ў вобласці, на рэспубліканскіх і міжнародных конкурсах. Цяпер музыканты рыхтуюцца да абласнога конкурсу «Спяваем з аркестрам», што адбудзецца ў сакавіку.

Канцэртная праграма для бацькоў уключала асобныя нумары выхаванцаў. Адны ігралі самастойна, іншыя з падтрымкай сваіх выкладчыкаў. Некаторыя выступленні доўжыліся каля хвіліны, пасля кожнага гучалі апладысменты.

Як падкрэсліў дырэктар установы і кіраўнік узорнага аркестра баянаў і акардэонаў Ігар Лавец, навучанне ігры на музычным інструменце дае дзецям не толькі адпаведныя навыкі, але і са- дзейнічае іх эстэтычнаму выхаванню, што вельмі каштоўна. Кацярына РЫНКЕВІЧ.

Фота аўтара.