Разам з ёй дэлегацыю ў сталіцы прадставілі намеснік старшыні райвыканкама Таццяна Стальмачонак і намеснік начальніка аддзела адукацыі, спорту і турызму Галіна Гур'ева, якая ў складзе праўлення райструктуры. У дзяржфілармоніі выступалі кіраўнікі беларускай грамадскай арганізацыі, узнагароджаны лепшыя яе сябры. У тым ліку і Таццяна Туманава—старшыня абласнога аддзялення. 

Тым часам міёрская структура вядзе актыўную работу. У пятніцу адбылося ўрачыстае мерапрыемства "Дзеці міру—дзецям вайны" з канцэртам. Дзяцей вайны ў нашым раёне 600, многія—нямоглыя, але завітаць у залу жадаючых хапіла. Разам з тым да свайго юбілею райструктура правяла конкурс школьных малюнкаў. Першае месца ў Дар'і Грэцкай (14 гадоў, Узмёны). Яна намалявала буслоў на пано "Роднае гняздо". Прызёр—Мікола Бараноўскі (10 гадоў, Новы Пагост). "Свет без вайны"—яго работа, на якой салдаты ў мірны час. Таксама ў фаварытах Максім Цярэшка (15 гадоў, Мілашова). На яго "Шчаслівай пары дзяцінства" кветкі і дзеці. Удзельнікі поруч з выдатнікамі ў вучобе і спорце будуць узнагароджаны на раённай імпрэзе ўшанавання.