Безгаспадарчасці – бой

У сувязі з павелічэннем колькасці ўзгаранняў сухой расліннасці ў раёне, а таксама ў рамках прафілактычных мерапрыемстваў выратавальнікі сумесна з работнікамі Дзісненскага лясніцтва і прадстаўнікамі раённай газеты правялі рэйды па выяўленні фактаў безгаспадарчасці і нездавальняючага ўтрымання тэрыторый населеных пунктаў, месцаў апашкі ад леса-торфамасіваў.

Падпаліў сухую траву – плаці

З наступленнем цёплых дзён многія гараджане аддаюць перавагу адпачынку ў лесе. Пры гэтым нярэдка раскладваюць вогнішча, каб сагрэцца і прыгатаваць ежу. Вось толькі, ад’язджаючы, пакідаюць пасля сябе не толькі смецце, але і непатушаныя кастры.

Нагадваем правілы:

v не пакідаць непатушанымі вогнішча, запалкі, акуркі, а таксама шкляныя бутэлькі, якія на сонцы могуць спрацаваць як павелічальнае шкло і падпаліць траву, мох;

v не праходзіць міма травы, якая гарыць. Калі не можаце патушыць яе самастойна, паведаміце пра пажар у дзяжурную службу РАНС па тэлефонах 101 або 112;

v не выпальваць сухую расліннасць на корані на прыдамавой тэрыторыі, зямельных участках, прадастаўленых для вядзення калектыўнага садоўніцтва ці дачнага будаўніцтва;

v месца для развядзення кастра неабходна ачысціць ад гаручых рэчываў і матэрыялаў, сухой расліннасці і забяспечыць сродкамі тушэння. Полымя і іскры пры гарэнні не павінны трапляць на элементы будынкаў, збудаванняў. Адлегласць да іх выступаючых частак да прыстасаванняў для прыгатавання ежы не можа быць менш за два метры, ад месц раскладвання вогнішча – не менш за восем метраў;

v патлумачце дзецям, што нельга самім распальваць агонь, кідаць у яго невядомыя прадметы і аэразольныя ўпакоўкі.

Вольга ГІРЖДА, інспектар РАНС.
Фота для ілюстрацыі.