Іншаземцы, якія знаходзяцца ў Рэспубліцы Беларусь, абавязаны выконваць Канстытуцыю і іншыя заканадаўчыя акты, паважаць нацыянальныя традыцыі. Гэта абумоўлівае Закон «Аб прававым становішчы іншаземных грамадзян і асоб без грамадзянства».

Калі іншаземец на тэрыторыі Беларусі ўчыняе адміністрацыйныя ці іншыя правапарушэнні, злачынствы, ён нясе адказнасць у адпаведнасці з заканадаўчымі актамі дзяржавы. 

У выпадку выяўлення фактаў парушэння іншаземнымі грамадзянамі адміністрацыйнага заканадаўства тэрытарыяльны орган унутраных спраў разглядае пытанне аб мэтазгоднасці далейшага знаходжання ў Рэспубліцы Беларусь. Пры гэтым улічваецца асоба іншаземца, ступень цяжкасці ўчыненага супрацьпраўнага дзеяння, законнасць або незаконнасць знаходжання на тэрыторыі дзяржавы, учыненне супрацьпраўных дзеянняў у мінулым, наяўнасць дазволу на часовае або пастаяннае пражыванне, падстаў для знаходжання тут. 

Іншаземныя грамадзяне, якія маюць часовае знаходжанне, дазвол на часовае або пастаяннае пражыванне ў Рэспубліцы Беларусь, могуць пазбавіцца свайго прававога статуса пры ўстанаўленні наступных умоў:

v іншаземец асуджаны ў Беларусі або іншай дзяржаве за ўчыненне наўмыснага злачынства, прызнанага Крымінальным кодэк-сам Рэспублікі Беларусь, і судзімасць не знятая або не пагашаная; 
v іншаземец падчас знаходжання ў Беларусі пяць і больш разоў на працягу года падвяргаўся адміністрацыйным спагнанням і не мінуў тэрмін, па заканчэнні якога парушальнік лічыцца не прыцягнутым да адміністрацыйнай адказнасці.

У выпадку ўстанаўлення ўказаных абставін у адносінах да іншаземных грамадзян і асоб без грамадзянства можа быць прынята адно з наступных рашэнняў:

v аб адмове ва ўездзе ў Рэспубліку Беларусь;
v аб скарачэнні тэрміну часовага знахо- джання;
v аб высылцы;
v аб ануляванні дазволу на часовае пражыванне;
v аб ануляванні дазволу на пастаяннае пражыванне;
v аб дэпартацыі (у выпадку ўстанаўлення парушэння міграцыйнага заканадаўства Рэспублікі Беларусь).

Таццяна ЛЫСЁНАК
старшы інспектар групы па грамадзянстве і міграцыі РАУС.