Сяльчанка з Міёрак-2 жыве побач з чыгункай. На працу дабіраецца напрасткі праз пуці. Пра адказнасць за парушэнне парадку ў такой сітуацыі расказаў участковы інспектар Васіль БЫКАЎ.

– Чыгунка – крыніца павышанай небяспекі. Між тым многія выходзяць перад цягніком, які набліжаецца, пралязаюць пад вагонамі састава, рухаюцца па чыгуначным палатне ў навушніках. У выніку ствараюць пагрозу не толькі ўласнаму жыццю, але і іншым.

Пешаходы павінны пераходзіць чыгуначныя пуці толькі ва ўстаноўленых месцах: па насцілах, мостах, тунэлях, пераездах. Перад тым, як ступіць, варта ўпэўніцца, што не едуць цягнік або лакаматыў. Прапусціць спачатку іх, паглядзець, каб не было рухомага састава на суседніх пуцях, і прадоўжыць пераход.

ЗАБАРОНЕНА:

v хадзіць па чыгуначных пуцях;

v пераходзіць і перабягаць іх перад цягніком, які набліжаецца, калі адлег-

ласць менш за 400 метраў;

v пераходзіць чыгуначныя пераезды пры закрытым шлагбауме ці чырвоным сігнале святлафора пераезнай сігналізацыі;

v на станцыях і перагонах падлязаць пад вагоны і пералазіць праз аўтасчэпкі, каб прайсці праз пуць;

v праходзіць уздоўж пуці бліжэй за пяць метраў ад крайняй рэйкі.

За парушэнне праходу па чыгуначных пуцях або знаходжанне на іх у месцах, не прызначаных для перасячэння, прадугледжана адміністрацыйная адказнасць па ч. 4 арт. 18.2 КаАП у выглядзе штрафу да дзвюх базавых велічынь. Парушэнне правіл праезду чыгуначнага пераезду, згодна з арт. 18.10 КаАП, пагражае штрафам ад дзвюх да чатырох базавых.

Падрыхтавала Алена ВАРОНІНА.
Фота для ілюстрацыі.