На меліяруемых сістэмах землекарыстальнікам забаронена:

v  скідваць смецце ў асушальныя каналы і жалезабетонныя калодзежы, што з’яўляюцца часткай асушальнай сеткі, а таксама разбураць апошнія (наязджаць, збіваць плугамі і да т. п.);

v  праводзіць земляныя работы з выкарыстаннем землярыйнай тэхнікі на меліяраваных землях, у тым ліку самавольна ўладкоўваць або засыпаць каналы;

v  самавольна ўладкоўваць перамычкі, прагоны для жывёлы і іншыя прыстасаванні на каналах; водазаборы з меліяратыўных каналаў, вадасховішчаў і сажалак; адчыняць і зачыняць засаўкі гідратэхнічных пабудоў;

v  разворваць землі бліжэй за два метры ад пачатку адхону канала на водапрыёмніках і магістральных каналах і аднаго метра ад пачатку адхону канала на калектарах і асушальніках;

v  пасвіць жывёлу па адкосах і бермах каналаў, дамб;

v  правозіць негабарытныя грузы па праезнай частцы плацін, дамб і іншых гідратэхнічных пабудоў;

v  весці бліжэй за 200 метраў ад плацін, дамб і іншых гідратэхнічных пабудоў земляныя работы, здабычу карысных выкапняў адкрытым спосабам без узгаднення з карыстальнікамі меліяратыўных сістэм і (або) арганізацыямі па будаўніцтве і эксплуатацыі меліяратыўных сістэм;

v  распальваць кастры, выпальваць сухую расліннасць, траву на карані, пажніўныя рэшткі;

v  складаваць будаўнічыя матэрыялы, адходы, камяні, карчы і іншыя прадметы ў месцах праходу і работы тэхнікі для абслугоўвання меліяратыўнай сеткі.

Карыстальнікі меліяратыўных сістэм абавязаны:

v  удзельнічаць з арганізацыямі па будаўніцтве і эксплуатацыі меліяратыўных сістэм у распрацоўцы штогадовых планаў аказання паслуг на меліяратыўных сістэмах;

v  праводзіць неабходныя супрацьпажарныя мерапрыемствы на асушаных тарфяніках;

v  забяспечваць захаванасць кало- дзежаў, вусцевых частак дрэнажнай сеткі, сажалак, дамб, моста, труб-пераездаў, водазборных і іншых водагаспадарчых пабудоў, што знаходзяцца на балансе;

v  назіраць за меліяратыўным станам земляў, фіксаваць месцы парушэнняў воднага рэжыму;

v  захоўваць і павышаць прадукцыйнасць земляў;

v  выкарыстоўваць меліяратыўныя сістэмы і асобна размешчаныя гідратэхнічныя пабудовы ў адпаведнасці з праектам меліярацыі земляў.

За парушэнні прадугледжана адміністрацыйная адказнасць: штраф да 20 базавых велічынь, на індывідуальнага прадпрымальніка – да 70, на юрыдычную асобу – да 200 БВ.

Людміла ПРАКОФ’ЕВА, інжынер па дзяржаўнаму ўліку Міёрскага ПМС.
Фота для ілюстрацыі.