Электрычная энергія як самая ўніверсальная і зручная для выкарыстання – верны памочнік чалавека на вытворчасці і ў быце. Але яна можа прынесці і непапраўную шкоду здароўю, калі не выконваць правілы электрабяспекі і не захоўваць меры асабістай асцярожнасці.

Калі знайшлі правіслы ці абарваны провад лініі электраперадачы – тэрмінова паведаміце пра гэта ў РЭС на адзіны кароткі нумар 144. Забаронена набліжацца бліжэй за восем метраў да абарваных правадоў і тых, што ляжаць на зямлі.

Уладальнікі невыкарыстоўваемых электраўстановак абавязаны прыняць меры па іх адключэнні. Для адключэння невыкарыстоўваемых жылых дамоў і іншых пабудоў ад электрасеткі неабходна звярнуцца ў РВЗУ «Энергазбыт».

У чалавека няма органаў пачуццяў, якія папярэджвалі б пра небяспеку электратоку. Засцерагуць ад паражэння толькі веданне і выкананне простых правіл электрабяспекі і мер асабістай асцярожнасці.

Адміністрацыя Міёрскага РЭС.