У абласных прадметных алімпіядах удзельнічалі адзінаццаць школьнікаў з Міёрскага раёна. Пераможцамі вярнуліся са спаборніцтваў адзінаццацікласніца СШ №2 Вераніка Закрэўская і дзевяцікласнік Завуццеўскай ДС-БШ Павел Гваздоўскі. У абодвух дыпломы ІІІ ступені.

Вераніка ўдзельнічала ў алімпіядзе па беларускай мове і літаратуры. Павел абараняў гонар школы і раёна на тэхнічнай працы. Школьнікі не першы год выходзяць пераможцамі на раённым узроўні і адольваюць вяршыні абласнога.

Як заўважае намеснік начальніка аддзела адукацыі, спорту і турызму Галіна Гур'ева, усе ўдзельнікі з Міёршчыны годна выступілі на спаборніцтвах. Некаторых ад дыпломаў аддзялілі ўсяго некалькі працэнтаў. Найбольш удзельнікаў на абласныя алімпіяды адправіла СШ №3 імя Я.Томкі.

Фота для ілюстрацыі.
Кацярына РЫНКЕВІЧ.