У Дзень Незалежнасці прадстаўнікі грамадскай арганізацыі "Белая Русь" Алена Шамёнак і Ганна Ліскова па традыцыі адправіліся ў мясцовую радзільню віншаваць шчаслівых матуль. У эпіцэнтры падзей аказалася 29-гадовая Аксана Мельнікава з райцэнтра.

У яе 27 чэрвеня нарадзіўся сынок Аляксандр ростам 54 см, вагой 3450 г. Матулю з брацікам дома чакаюць яшчэ двое дзетак: пяцігадовая Ульяна і дзесяцігадовы Максім. Немаўлятка Саша за шэсць сутак набраў цэлыя 100 грам, а назвалі яго ў гонар таты Аляксандра, які ўжо паспеў падбегчы пад акно і падзівіцца на свой цуд.

Імя хлопчыка, яго жыццё — як сімвал Перамогі і Незалежнасці роднай краіны.

Алена БАСІКІРСКАЯ.