Кожны з нас, вобразна кажучы, з'яўляецца невялічкай фабрыкай па вытворчасці адходаў магутнасцю да 400 кілаграмаў у год. Калі іх выкідваць у сметніцу, адвозіць на звалку ці міні-палігон, губляюцца рэсурсы (энергія, вада, сыравіна і іншае), некалі выкарыстаныя на выраб рэчаў дамашняга ўжытку. Чым далей — тым больш. Грамадства прагрэсіруе, прыродныя магчымасці памяншаюцца, а смецця более. Каб захаваць навакольнае асяроддзе спрыяльным для сябе, няма іншага выйсця, як пачаць сартыроўку адходаў у хатніх умовах. 

Сартыроўка бытавых адходаў павялічвае колькасць сыравіны для наступнай перапрацоўкі (тую ж ПЭТ-бутэльку можна аднаўляць да 30 разоў, а шкло — бясконца), памяншае аб'ёмы смецця, якое трэба адвозіць на "захараненне". А колькі эканоміцца энергіі і прыродных рэсурсаў!

У нашых населеных пунктах более кантэйнераў для паасобнага збору бытавых адходаў — паперы, шкла, пластыку. Аднак наша свядомасць паварочваецца да новай справы марудна. Нават узнікаюць дыскусіі: навошта гэта наогул. Толькі іншага выйсця няма, калі не хочам жыць на сметніку.

Кантэйнеры для паасобнага збору другасных рэсурсаў падпісаны, спецыяльныя ёмістасці прадугледжаны для ПЭТ-бутэлек, батарэек і іншага. Тут нібы ўсё зразумела. Але ёсць нюансы. У пластыкавых ёмістасцях ці пакетах (з-пад смятаны, кефіру і інш.) не павінна заставацца рэшткаў прадуктаў. З пластыкавай бутэлькі неабходна зняць папяровую налепку, адвінціць крышку, бо яна з іншага матэрыялу. ПЭТ-бутэльку трэба максімальна пакамячыць, каб заняла менш месца. Пластыкавыя ёмістасці з-пад агрэсіўных хімічных рэчываў і маторнага масла захоўваюцца асобна.

Памятайце, што для паўторнай перапрацоўкі папера павінна быць сухой, у кардонных каробках нельга па-кідаць пластык. Наогул, кантэйнеры з розных матэрыялаў трэба разбіраць.

Для паўторнай перапрацоўкі не выкарыстоўваюцца папяровыя пакеты з фальгіраванай плёнкай унутры ад малочных прадуктаў, сокаў.

Няхай такія патрабаванні вас не пужаюць. Каб займацца сартыроўкай бытавых адходаў у хатніх умовах, дастаткова вядра для рэшткаў ежы і пакета для ўсяго астатняга. Каробка падыдзе для паперы, яна назапашваецца марудна.

Кантэйнеры для збору батарэек знаходзяцца ў магазінах, а ртуцьутрымлівальныя вырабы (тэрмометры, энергазберагальныя лямпы) прымаюць аддзяленні МНС.

Уладзімір МЯЦЕЛІЦА, дырэктар УП ЖКГ Міёрскага раёна.

Фота для ілюстрацыі.