Паляванне на самцоў казулі дазволена з 15 мая да 30 верасня.

Паляваць можна кругласутачна, спосабамі з засады, з падыходу. Дапускаецца нарэзная паляўнічая зброя з дульнай энергіяй кулі звыш 1 500 Дж, гладкаствольная – з выкарыстаннем патронаў, снараджаных куляй або карцеччу, а таксама паляўнічыя лукі і арбалеты. Для пошуку падранкаў і здабытых жывёл можна выкарыстоўваць лягавых сабак, спаніеляў, рэтрывераў, тэр’ераў і такс, а таксама сабак іншых парод, якія маюць палявы дыплом па кравяным следзе.

Незаконная здабыча казулі цягне крымінальную адказнасць: пазбаўленне права на паляванне са штрафам, абмежаваннем або пазбаўленнем волі.

Сталі сведкам парушэння прыродаахоўнага заканадаўства – паведаміце на нумар 8 (02153) 68 2 75.

Уладзімір ЯГОРАНКАЎ, старшы дзяржінспектар Браслаўскай міжраённай інспекцыі АЖіРС.