Районный исполнительный комитет, Миорский районный Совет депутатов. Сайт www.miory.vitebsk-region.gov.by. регистрационное свидетельство № 956. Издано 6 января 2010 года Министерством информации Республики Беларусь
Профилактика: С 12 по 22 ноября состав ГАИ переведен на усиленный вариант несения службы
Общество: Megatop выпустил первый обувной адвент-календарь к Новому году
Экономика: Витебская область продолжает сохранять положительную динамику финансовых результатов
Профилактика: В преддверии ноябрьских распродаж по всей Беларуси активизируются интернет-мошенники
Общество: Дан старт финалу республиканского конкурса «SuperПрофи-2026»
- Какой у вас главный инструмент? - спрашиваю у Владимира Моисеенка, мастера резьбы по дереву Дисненского городского Дома ремесел.
- Руки, - с улыбкой отвечает он.
– Які ў Вас галоўны інструмент? – пытаюся ва Уладзіміра Майсяёнка, майстра разьбы па дрэве Дзісненскага гарадскога Дома рамёстваў.
– Рукі, – з усмешкай адказвае ён.
Дзесяць гадоў майструе з дрэва посуд і сувеніры, атрымліваючы асалоду ад любімага занятку і забываючыся ў творчым працэсе на ход часу.
– Калегі баяцца мяне замкнуць, калі ўвечары дадому збіраюцца, – гаворыць суразмоўнік. – Настолькі захапляюся справай, што зусім не гляджу на гадзіннік.
А вось майстраваць гадзіннікі Уладзіміру Майсяёнку даспадобы. Адзін з іх – у выглядзе савы. Гэтых птушак і яшчэ глушцоў асабліва любіць адлюстроўваць на сваіх вырабах. Чаму? Такім пытаннем не задаваўся. Проста прывабліваюць. Між тым сава, як вядома, сімвалізуе мудрасць, а глушэц – свабоду і дыханне жыцця. Выразае на сувенірах з дрэва жураўлёў. Птушка, што стала брэндам Міёршчыны, азначае чысціню, сумленнасць, бескарыслівую дапамогу.
Засталі майстра за вырабам скарбонкі ў выглядзе рыбкі на хвалі. Папярэдняя – парсючок – ужо гатова. У абедзвюх прадугледжаны адтуліны, таму разбіваць напоўненыя манеткамі ці купюрамі вырабы не давядзецца.
– Пасля мянажніцы буду рабіць, – дзеліцца бліжэйшымі планамі Уладзімір Ула-
дзіміравіч. – Майстраваў цукерачніцы ў выглядзе ліста дуба, клёна. Дома ва ўжытку драўляная лыжка ўласнай вытворчасці, кухонныя лапаткі і дошчачкі. А вось цацкі з дрэва не рабіў. Увогуле спрабаваць новае цікава. Некаторыя ідэі ў Інтэрнэце знаходжу, іншыя самі прыходзяць. Разьба па дрэве для мяне ўжо лад жыцця. У Дом рамёстваў не працаваць іду – любімай справай займацца.
Як атрымалася, што настаўнік музыкі па дыпломе ўзяў у рукі разцы?
– Скончыўшы Наваполацкае музычнае вучылішча, па размеркаванні трапіў у Браслаўскі раён. Затым вярнуўся ў родную Дзісну і выкладаў спевы ў мясцовай школе-інтэрнаце. Пасля прапанавалі ўзначаліць гарадскі Дом культуры, – прыводзіць факты біяграфіі суразмоўнік. – Вось з ГДК усё і пачалося. Часта накіроўвалі на курсы. Навучыўся плесці з саломкі і лазы, кераміку асвоіў. Найбольш захапіла разьба па дрэве.
ДАРЭЧЫ
Прадметы побыту з дрэва, якімі карысталіся жыхары Міёршчыны, сталі экспанатамі раённага гісторыка-этнаграфічнага музея.
Напрыклад:
* коўш. Знойдзены ў лазні ў вёсцы Яўцерашкі Перабродскага сельсавета. Такой драўлянай вы-
дзеўбанай пасудзінай не толькі ваду налівалі. Выкарыстоўвалі коўш для перасыпання збожжа, мукі.
* лапата хлебная. З яе дапамогай садзілі цеста ў печ і даставалі хлеб. Звычайна мела прамавугольную ці круглаватую форму і доўгую – 110-135 см – ручку. Экспанат у музеі з 1992 года.
* лапата для даху. З дапамогай такой лапаты з рабрыстай асновай накрывалі саломай дах. Беларускія сяляне карысталіся гэтым інструментам да сярэдзіны 20 стагоддзя. У музей экспанат перадала жыхарка Міёр у 1991 годзе.
* таўкач. Гаспадарчая прылада ў выглядзе качалкі з патоўшчаным круглым канцом. Выкарыстоўвалася для розных патрэб. Каўчом таўклі бульбу, разбівалі пласты гліны на полі.
Першыя вырабы з дрэва Уладзіміра Майсяёнка – лыжкі. Іх жа ў ліку першых выраблялі нашы продкі. Драўляныя лыжкі мелі шырокае распаўсюджанне ў быце. Змайстраваць такую на першы погляд простую рэч Уладзімір Уладзіміравіч прапаноўвае падчас майстар-класаў, якія сталі традыцыяй на свяце горада ў Дзісне. Назіраеш за дзеяннямі ўмельца – здаецца, лёгка і проста. Возьмеш інструмент у свае рукі – і ўсё бачыцца ў зусім іншым ракурсе.
– Перш-наперш сіла ў руках павінна быць, – заўважае творца. – І з інструментамі трэба асцярожна абыходзіцца. Параніцца разцом не раз здаралася. Неяк на «Славянскім базары ў Віцебску» завітаў у нашу палатку міністр культуры. Параніў палец, правяраючы разец на вастрыню.
Калекцыя разцоў ва Уладзіміра Уладзіміравіча багатая. Ёсць ручной работы, выкаваныя з напільнікаў. Гэта падарунак сябра. Самыя надзейныя. Там, дзе разец не дастане, мінігравер выручыць. Гэты прыбор майстар параўноўвае са стаматалагічнай бормашынай. Былая сокавыціскалка атрымала новае жыццё ў якасці інструмента для паліроўкі вырабаў. На дрэваапрацоўчым станку выточвае свістулькі, розныя дробныя дэталі. Развешаны на сцяне лобзікі, пілкі, шчоткі.
– Работа творчая, але пыльная. Нават калі лобзікам рэжаш, пыл з’яўляецца, – характарызуе сваю справу майстар. – Працую з ліпай. Гэта самая мяккая драўніна. Меў справу з бярозай. Увогуле, калі добра наточаны разцы і ёсць жаданне, з любым матэрыялам справішся.
Што сам умее, таму іншых вучыць. На заняткі гуртка разьбы па дрэве прыходзяць вучні сярэдніх класаў. І разам з майстрам акунаюцца ў захапляльны працэс, нібы ў іншае вымярэнне, дзе пануе асалода творчасці. n
ЦІКАВА ВЕДАЦЬ
Разьба па дрэве як від дэкаратыўна-прыкладнога мастацтва на тэрыторыі Беларусі вядома з 12 стагоддзя. Да 17 стагоддзя рэзчыкі карысталіся нажом і сякерай. Пасля ў іх арсенале з’явіліся падоўжаная піла, долата, стамеска, рубанак.
Традыцыйная беларуская народная разьба па дрэве не адрознівалася залішняй дэкаратыўнасцю. Найбольш старажытны і распаўсюджаны матыў – шматпрамянёвая разетка – сімвал сонца, што азначала пачатак жыцця і чысціню чалавечых думак. Выява каня абяцала шчасце і ўрадлівасць. Гусь, лебедзь і качка сімвалізуюць добры пачатак. Певень, паўлін, курыца аберагаюць ад злога вока.
Кацярына Рынкевіч.
Фотаматэрыял Казіміра Блажэвіча.
Официальный сайт районной газеты" Миорские новости «©2010-2026 "mijory.by". Все права защищены. Индекс 63971. Перепечатка материалов разрешается только с указанием обратной ссылки на источник материала; фотоматериалов-только с официального разрешения. Редакция публикует материалы в порядке обсуждения, не разделяя точку зрения автора. Авторы отвечают за подбор и достоверность фактов
Наш сайт использует файлы cookie, в том числе сервисов веб-аналитики, чтобы улучшать работу сайта и делать его удобнее. Продолжая пользоваться сайтом, вы соглашаетесь на обработку персональных данных при помощи cookie-файлов. Подробнее в Политике обработки персональных данных и Информации об используемых файлах куки.