Вясенні лёд тоіць небяспеку. У зоне рызыкі – рыбакі і дзеці.

Нават калі правалюся – камізэлька выратуе. Так лічаць рыбакі-аматары. Безумоўна, выратавальная камізэлька дапамагае пэўны час заставацца на плыву. Калі ж дапамога не паспее своечасова, шанц выратавацца памяншаецца. Пры нізкай тэмпературы вады чалавек страчвае прытомнасць і пачынае замярзаць праз 15-20 хвілін.

Праваліліся пад лёд:

v  старайцеся не панікаваць;
v  клічце на дапамогу;
v  ляжце на жывот у позу плыўца. Пакуль паміж слаямі адзення застаецца паветра, зможаце трымацца на плыву;
v  выбірайцеся з палонкі, налягаючы на лёд гру-дзямі, шырока раскінуўшы рукі, каб павялічыць плошчу апоры і зменшыць ціск;
v апынуўшыся на лёдзе, не спяшайцеся ўставаць. Адкаціцеся далей і паўзком дабірайцеся да берага.

Пра небяспеку вясенняга лёду абавязкова трэба нагадаць дзецям. Растлумачце, што:

v  небяспечна набліжацца да абрывістага падмытага берага – грунт вясной вільготны і можа абваліцца;
v  нельга катацца на плацінах і ільдзінах;
v  калі якаясьці рэч трапіла ў ваду, не трэба спрабаваць яе дастаць. Жыццё даражэй.

Уладзімір КАНАПЛЁЎ, 
начальнік выратавальнай станцыі.