Пярвічка—арганізацыя, якая абараняе працоўныя правы работнікаў, дабіваецца выканання сацыяльных гарантый, паляпшае мікраклімат у калектыве. Адна з галоўных задач прафсаюзнага камітэта нашай школы—згуртаванне калектыву.
Усіх работнікаў: і адміністрацыю, і настаўнікаў, і тэхперсанал павінна аб'ядноўваць не толькі прафесійная дзейнасць, але і вольны час. Калектыву важна ўдзельнічаць у жыцці кожнага супрацоўніка, дапамагаць вырашаць праблемы, разам радавацца і сумаваць. Сваю работу прафкам будуе на прынцыпах сацыяльнага партнёрства і супрацоўніцтва з адміністрацыяй школы. Усе пытанні вырашаюцца шляхам канструктыўнага дыялогу ў інтарэсах работнікаў.
Важны накірунак дзейнасці—культурна-масавая работа. Мерапрыемствы згуртоўваюць калектыў, ствараюць спрыяльную творчую атмасферу ва ўстанове. Добрай традыцыяй становіцца віншаванне работнікаў з прафесійнымі і каляндарнымі святамі, юбілейнымі датамі. У такія дні для кожнага знаходзяцца добрыя словы і матэрыяльная падтрымка.
Наш "залаты фонд"—ветэраны. Рабоце з тымі, хто на заслужаным адпачынку, надаецца важнае значэнне. Запрашаем ветэранаў на школьныя мерапрыемствы.
Не абыходзім фізкультурна-аздараўленчы напрамак. Штогод члены прафсаюзнай пярвічкі ўдзельнічаюць у раённай спартакіядзе. Спаборнічаюць у тэнісе, дартсе, гульнях у шашкі і шахматы.
Прафкам стараецца працаваць так, каб ніводная праблема калектыву не прайшла міма. У меру сваіх сіл і магчымасцяў імкнёмся ісці насустрач кожнаму ў хвіліны радасці і смутку.
Работа прафсаюза—з людзьмі і для людзей. Галоўнае ў ёй—абарона правоў і інтарэсаў работнікаў установы, забеспячэнне законнасці, павышэнне адказнасці за вынікі асабістай працы і работы калектыву ў цэлым.
Святлана ШЫМКО,
старшыня пярвічнай прафсаюзнай
арганізацыі Чапукоўскай ДС-СШ.
Пярвічка—арганізацыя, якая абараняе працоўныя правы работнікаў, дабіваецца выканання сацыяльных гарантый, паляпшае мікраклімат у калектыве. Адна з галоўных задач прафсаюзнага камітэта нашай школы—згуртаванне калектыву.
.jpg)