Падчас уборачнай на палях працуе буйнагабарытная сельскагаспадарчая тэхніка. Часта работу камбайнаў ускладняюць паветраныя лініі электраперадачы і іншыя аб’екты электраэнергетыкі. На жаль, не ўсе аграрыі надаюць ім увагу.

Каб выключыць электратраўмы пры сельгасработах паблізу з лініямі электраперадачы, персанал, які абслугоўвае збожжаўборачную і іншую буйнагабарытную тэхніку, павінен размяшчацца ў кабіне – металічнай, металізаванай, або пад тэнтамі перасоўных машын і механізмаў.

Выкананне работ з прымяненнем буйнагабарытнай тэхнікі ў ахоўных зонах паветраных ліній неабходна ўзгадняць з уладальнікамі электрычных сетак. У іх павінна быць задзейнічана не менш за два чалавекі, адзін з якіх – назіральнік. Дазволена працаваць і аднаму, але пры ўмове адначасовай работы мінімум двух агрэгатаў на адлегласці не больш за 200 метраў адзін ад другога.

Усе паветраныя лініі, якія праходзяць па тэрыторыі гаспадаркі, варта нанесці на карту землекарыстання з указаннем напругі і асабліва небяспечных месцаў.

Праязджаць пад правадамі паветранай лініі машынам і механізмам па прасёлкавых шляхах і па-за дарог рэкамендуецца паблізу апор і ўпоперак восі. Пры гэтым вышыня машыны не павінна перавышаць 4,5 метра.

Сельскагаспадарчым, дарожным, будаўнічым і іншым машынам і механізмам забаронена ездзіць і працаваць з паднятымі стрэламі, прыладамі і прыстасаваннямі, кузавамі, займацца палявымі работамі з прымяненнем механізмаў і частак абсталявання, якія выступаюць на вышыню звыш чатырох метраў. Гэта можа наблізіць іх на недапушчальную адлегласць да токавядучых частак высакавольтавых ліній пад напругай.

Валерый СЯЛІЦКІ,
інспектар раённай энергагазінспекцыі.
Фота для ілюстрацыі.