Спёка ў разы павышае рызыку ляснога пажару. На жаль, не ўсе разумеюць, як лёгка ён пачынаецца і наколькі небяспечны. Між тым лясны пажар – гэта некіруемае гарэнне расліннасці і сапраўднае стыхійнае бедства. Агонь знішчае дрэвы і траву, а значыць, птушкам недзе віць гнёзды, жывёлам няма дзе жыць.

 Адна з галоўных прычын лясных пажараў – чалавечы фактар. Турысты і аматары прыроды, якія наведваюць лясы, каб адпачыць або пазбіраць грыбы ці ягады, часам пакідаюць пасля сябе непатушаныя кастры. Акурак таксама можа выклікаць загаранне, як і бутэлька, аскепкі шкла, якія спрацоўваюць як лінзы пры яркім сонечным святле.

За парушэнне правіл пажарнай бяспекі ў лясах і іх наступстваў прадугледжана адміністрацыйная або крымінальная адказнасць. Яшчэ адзін стрымлівальны фактар – наша асабістая адказнасць за прыродныя багацці перад нашчадкамі. Давайце разам зберажом лясы!

Міхаіл ЗАКРЭЎСКІ,
начальнік Міёрскага міжраённага аддзела Дзяржкамітэта судовых экспертыз.
Фота для ілюстрацыі.