Адзіны дзень бяспекі дарожнага руху прайшоў 24 лістапада пад дэвізам "Кожнай машыне — зімовыя шыны!" Мерапрыемства было скіравана на падрыхтоўку аўтамабіляў да эксплуатацыі ў зімовых умовах. Часам кіроўцы не спяшаюцца мяняць летнюю гуму. Дзяржаўтаінспекцыя раіць не марудзіць.

Нагадваем, што зімовыя шыны абавязковыя для аўтамабіляў з тэхнічна дапушчальнай масай да 3,5 тоны, для легкавога і грузапасажырскага аўтатранспарта з агульнай масай звыш 3,5 тоны, для аўтобусаў да 5 тон. Устанаўліваюцца на ўсе колы. Ездзяць на зімовай гуме з 1 снежня да 1 сакавіка.

Рэкамендуем не чакаць замаразкаў. Якраз цяпер аптымальнае надвор'е для ўстаноўкі зімовых шын: тэмпература паветра +5-7 градусаў.

Фота для ілюстрацыі.
Аляксандр САВЕЙКА,

старшы дзяржаўтаінспектар

аддзялення ДАІ РАУС.