Беларускае таварыства Чырвонага Крыжа праводзіць дабрачынную акцыю «Збяром дзяцей у школу».

– Далучыцца да добрай справы можна двума спосабамі. Першы – перадаць рэчы ў арганізацыю Чырвонага Крыжа па месцы жыхарства. У Міёрах школьныя прылады, адзенне, абутак прымаюць у тэрытарыяльным цэнтры па адрасе вуліца Камуністычная, 36-2 на другім паверсе ў кабінеце 3, – заўважае старшыня раённай арганізацыі БТЧК Ганна Ліскова. – Другі варыянт – грашовы перавод праз АРІП. Шлях наступны: «Дабрачыннасць, грамадскія аб’яднанні» – «Дапамога дзецям, дарослым» – «Беларускі Чырвоны Крыж» – выбраць адпаведную абласную арганізацыю – «Дабрачынны ўзнос» – увесці нумар дабрачыннай акцыі 222 – праверыць карэктнасць інфармацыі і зрабіць плацёж.

У мінулым годзе дапамогу ад Беларускага Таварыства Чырвонага Крыжа ў рамках дабрачыннай акцыі «Збяром дзяцей у школу» атрымалі 9 764 дзяцей з сацыяльна ўразлівых сем’яў па ўсёй краіне. Сёлета акцыя доўжыцца да 12 верасня.

За больш падрабязнай інфармацыяй звяртайцеся на нумар 5 28 32.

Кацярына РЫНКЕВІЧ.