В случае неисполнения или ненадлежащего исполнения в добровольном порядке требований исполнительного документа по инициативе судебного исполнителя или взыскателя в отношении должника могут быть применены меры по обеспечению исполнительного документа.

У выпадку невыканання або неналежнага выканання ў добраахвотным парадку патрабаванняў выканаўчага дакумента па ініцыятыве судовага выканаўцы або спагнальніка ў адносінах да даўжніка могуць быць прыменены меры па забеспячэнні выканаўчага дакумента. 

Мера па забеспячэнні выканаўчага дакумента – важная гарантыя абароны правоў і законных інтарэсаў спагнальніка (грамадзян або юрыдычных асоб). Неабходнасць прыняць забяспечвальныя меры ўзнікае ў выпадках, калі:

v адсутнічае выкананне абавязацельства без уважлівай прычыны;

v даўжнік ухіляецца ад выканання патрабаванняў выканаўчага дакумента;

v раней прынятых забяспечвальных мер недастаткова для своечасовага і поўнага выканання выканаўчага дакумента;

v маюцца абставіны, пры якіх непрыняцце забяспечвальных мер можа ўскладніць або зрабіць немагчымым выкананне выканаўчага дакумента. 

Сярод распаўсюджанай у цяперашні час меры – часовае абмежаванне права даўжніка-грамадзяніна, у тым ліку індывідуальнага прадпрымальніка, службовых асоб даўжніка – юрыдычнай асобы на выезд з Рэспублікі Беларусь. Гэтая мера прымаецца судом у парадку, устаноўленым працэсуальным заканадаўствам. 

Звесткі пра наяўнасць або адсутнасць часовага абмежавання на выезд з краіны можна атрымаць у тэрытарыяльным падраздзяленні па грамадзянстве і міграцыі аддзела ўнутраных спраў. Інфармацыя прадастаўляецца на працягу аднаго рабочага дня, бясплатна, пры прад’яўленні дакумента, які пацвярджае асобу. Таксама можна скарыстацца анлайн-сэрвісам на сайце МУС. 

Прынятая мера можа быць адменена судом па заяве бакоў або прадстаўленні судовага выканаўцы. 

У выпадку выканання абавязацельства, на падставе якога была прыменена мера, грамадзяніну неабходна звярнуцца ў суд, якім была прынята забяспечвальная мера, наконт яе адмены. 

Пытанне аб адмене мер разглядаецца судом не пазней за тры дні з моманту паступлення заявы. 

Вераніка КІСЛЯК, суддзя суда Міёрскага раёна.
Фота для ілюстрацыі.