Восем каманд старшакласнікаў паспаборнічалі ў раённым этапе рэспубліканскага інтэлектуальнага турніру «Знатакі Алімпізму». 

Пяць тураў, і ў кожным па пяць пытанняў на спартыўную тэматыку. Важна не толькі ведаць правільны адказ, але і даць адказ хутчэй за сапернікаў. З першага тура актыўна праяўлялі сябе каманды СШ № 2 імя М. Ізварына і Дзісненскай СШ імя М. Кузьміна. У выніку атрымалі дыпломы І і ІІ ступеняў адпаведна. Дыплом ІІІ ступені ў каманды СШ № 3 імя Героя Савецкага Саюза Я.Томкі. 

Каманда-пераможца прадставіць раён на абласным этапе, які адбудзецца ў студзені.