Калі пачну займацца цырульніцкай справай, а раптам высветліцца, што не атрымліваецца, фінансава нявыгадна, мала кліентаў, як спыніць дзейнасць?

Адказвае намеснік начальніка інспекцыі МПЗ Рэспублікі Беларусь па Полацкім раёне Наталля ШАЛАМАЕВА:
— Для аказання паслуг цырульніка фізічнай асобе не трэба рэгістравацца ў якасці індывідуальнага прадпрымальніка. Такую дзейнасць можна распачаць па заяўленчым прынцыпе. У падатковы орган па месцы жыхарства неабходна падаць пісьмовае паведамленне, дзе ўказаць віды дзейнасці, а таксама перыяд і месца іх ажыццяўлення. На падставе гэтай інфармацыі вылічваецца сума адзінага падатку, якую варта заплаціць да пачатку аказання паслуг. Калі за справу не ўзяліся — платы няма. І для яе спынення прадпрымаць нічога не трэба.

Адзначу, што дзейнасць, якая не патрабуе дзяржаўнай рэгістрацыі,

без уплаты адзінага падатку караецца даналічэннем падатку пры

першым выяўленні — у памеры ўстаноўленай стаўкі,

пры паўторным — у пяцікратным.  

Фота для ілюстрацыі.