У рэдакцыю паступіў зварот ад жыхаркі вёскі Мікалаёва. Цікавілася, на якіх умовах магчыма аказанне ветэрынарных паслуг для асабістай падсобнай гаспадаркі. Гэтае пытанне мы накіравалі ў райветстанцыю. Галоўны ўрач Аляксандр КЕЗІК патлумачыў:

– Абавязак абслугоўваць асабістыя падсобныя гаспадаркі па лячэнні і прафілактыцы хвароб жывёлы ўскладзены на ветэрынарных урачоў сельгаспрадпрыемстваў па тэрытарыяльным прынцыпе, таму звяртацца неабходна непасрэдна да іх. Калі ж спецыяліст знаходзіцца ў водпуску, на бальнічным і г. д., то гэтыя паслугі аказваюць на платнай аснове ў райветстанцыі ў Міёрах або на Дзісненскім участку.

Па ўсіх пытаннях звяртайцеся на нумары 4 10 74 (ветурачы) або 4 10 36 (галоўны ветурач).

Падрыхтавала Алена ВАРОНІНА.
Фота для ілюстрацыі.