Першае, што трэба зрабіць заблукаламу, – супакоіцца і не спяшацца пакінуць месца, дзе знаходзіцца. Прыслухайцеся: магчыма, побач траса, чыгунка. Або пачуеце галасы іншых грыбнікоў і ягаднікаў. Патэлефануйце ў эстранныя службы. Нават пры адсутнасці сродкаў на рахунку, можна зрабіць званок.

У балоцістай мясцовасці ідзіце не спяшаючыся, асцярожна, без рэзкіх рухаў. Глебу перад сабой трэба правяраць шэстам ці доўгай палкай. Калі раптам праваліліся, прыміце гарызантальнае становішча, абапіраючыся на пакладзены ўпоперак шэст, дацягвайцеся рукамі да чароту, травы, падцягваючыся, адпаўзайце ад небяспечнага месца.

Калі па балоце рухаецца некалькі чалавек, важна трымацца бліжэй адзін да аднаго, каб у любы момант дапамагчы.

Андрэй ПАНІН, начальнік РАУС.