Районный исполнительный комитет, Миорский районный Совет депутатов. Сайт www.miory.vitebsk-region.gov.by. регистрационное свидетельство № 956. Издано 6 января 2010 года Министерством информации Республики Беларусь
Профилактика: С 12 по 22 ноября состав ГАИ переведен на усиленный вариант несения службы
Общество: Megatop выпустил первый обувной адвент-календарь к Новому году
Экономика: Витебская область продолжает сохранять положительную динамику финансовых результатов
Профилактика: В преддверии ноябрьских распродаж по всей Беларуси активизируются интернет-мошенники
Общество: Дан старт финалу республиканского конкурса «SuperПрофи-2026»
Экалагічнаму выхаванню ў Чапукоўскай яслі-сад – сярэдняй школе надаюць шмат увагі. Удзельнічае ўстанова ў праектах ГА «Беларускі Зялёны Крыж».
Музей, алея выпускнікоў,
кузня дзятла
З 2002 года ў школе дзейнічае экалагічны музей. Падзелены на зоны «Лес» і «Балота». Тут можна пабачыць пудзілы жывёл, што сустракаюцца ў нашай мясцовасці. Кабан, воўк, ліса, алень, вавёрка, янот-паласкун, куніца, тхор. Птушыны свет прадстаўлены пудзіламі чаплі, цецерука, дзятла, лысухі, крумкача, каўкі, сініцы вялікай, амялушкі, снегіра, дразда чорнага, сойкі.
Ёсць куточак з акварыумнымі рыбкамі.
Настаўнікі распрацоўваюць урокі, дыдактычны і наглядны матэрыял на экалагічную тэматыку ў рамках школьнай праграмы.
Уздоўж дарожкі да школы расце бярозавая «Алея выпускнікоў».
Цікавая для назірання «Кузня дзятла». Тут убачыш вынікі харчовай дзейнасці гэтай птушкі – «распрацаваныя» сасновыя шышкі. Дзяцел змяшчае іх у шчыліну ствала дрэва, чапляецца лапкамі за кару і раздзёўбвае шчыльна прылеглыя адна да адной лускавінкі ў пошуку насення. Спустошыўшы адну шышку, кідае яе на зямлю і скіроўваецца за наступнай.
Прышкольная тэрыторыя разбіта на ўчасткі: школьны двор, куточак дзікай прыроды, зона адпачынку, пладовы сад, зона культурнага земляробства, эксперыментальны ўчастак, зона закрытага грунта з цяпліцай. Прагуляемся па іх.
Цёплай парой радуюць прыгожыя кветкавыя кампазіцыі на клумбах у школьным двары. Настаўнікі, вучні, тэхнічны персанал кожную вясну высаджваюць петуніі, алісум, аксаміткі, агератум, львіны зеў, лабелію. У асноўным сеем насенне, якое збіраем з кветак увосень пасля перыяду красавання. Па ўсёй тэрыторыі школьнага двара пасаджаны туі шарападобныя і пірамідальныя. Растуць елкі блакітныя, гартэнзіі, самшыт, ядловец, іва матсудана, вейгела, барбарыс. У розныя гады іх садзілі выпускнікі. З экзатычных раслін сустрэнеш арэх маньчжурскі і рабінію псеўдаакацыю.
У куточку дзікай прыроды растуць тыповыя для нашай мясцовасці дрэвы і хмызнякі. Бяроза барадаўчатая, чаромха звычайная, дуб чарэшчаты, шыпшына, сасна звычайная, елка еўрапейская, ірга канадская, рабіна звычайная, клён вастралісты, алешына чорная. Сёлета кожны від дрэў абазначылі драўлянай біркай з QR-кодам, перайшоўшы па якім праз прыкладанне смартфона, можна даведацца больш падрабязную інфармацыю.
У зоне адпачынку ў цёплае надвор’е праходзяць урокі літаратуры, біялогіі, геаграфіі.
Больш за два гектары займае прышкольны ўчастак. Тут вырошчваем экалагічна чыстую гародніну. Хімічныя ўгнаенні ў глебу не ўносім. Бульба, буракі, морква, капуста, фасоля, цыбуля, часнок уключаны ў рацыён школьнікаў.
На чатыры зоны падзелены эксперыментальны ўчастак. У зоне чаранкавання высаджаны чаранкамі івы: матсудана, плакучая і дэкаратыўная. У зоне насеннага матэрыялу расце зімовы часнок. Трэцяя – зона аптэчных раслін. Чацвёртая – для вопытаў па вырошчванні гарбузоў на розных субстратах.
Асобную тэрыторыю адвялі для вырошчвання прышпіленых саджанцаў пладовых дрэў (яблынь). Чаранкаваннем займаецца настаўнік працоўнага навучання Леанід Крэнь. Праводзіць майстар-класы для педагогаў і мясцовых жыхароў. Гэтай вясной чаранкавалі вінаград.
Каля 60 яблынь, а яшчэ слівы, айва, чорныя і чырвоныя парэчкі растуць у пладовым садзе. З іх у школьнай сталовай гатуюць кампоты.
Зона зачыненага грунта з’явілася сёлета ў пачатку вясны, дзякуючы ўдзелу школы ў штогадовым конкурсе «Школьны сад для развіцця сельскагаспадарчага прадпрымальніцтва». Годна абаранілі праект у завочным і вочным турах, за што ўзнагароджаны дыпломам ІІ ступені і грашовым сертыфікатам. На ўказаную суму набылі цяпліцу і садовы інвентар. Дзеля эксперыменту цяпліцу ўстанавілі над цеплатрасай ад кацельнай да школы, каб раней атрымаць ураджай.
Расце
«Школьны сад»
У рамках праекта «Школьны сад» сёлета ў пачатку года атрымалі насенне замежнай селекцыі. Ужо парадавалі ўсходы цыбулі, таматаў і перцу. Іх разам з вучнямі даглядае настаўнік біялогіі Эльвіра Хахель. Таматы, перцы, радыску высадзім у цяпліцу, ураджай будзем рэалізоўваць мясцоваму насельніцтву. Таксама пойдзе на рэалізацыю частка расады кветак – аксамітак і агератума.
Аздобіць школьны двор петунія сорту «Бакопа». Пра ўсходы клапоціцца матэматык Іна Гродзь.
Зацікавіліся ў школе экзотыкай. Як настаўнік біялогіі, распачаў вопыт па вырошчванні авакада з костачкі ў дамашніх умовах. Яшчэ плануем летам і ўвосень сабраць споры грыбоў і пасеяць у куточку дзікай прыроды.
Па заказе Новапагосцкага лясніцтва школьнікі з настаўнікам Леанідам Крэнем змайстравалі 30 сінічнікаў. На вясенніх канікулах вывучылі тэхналогію вырабу савятнікаў. Два размясцілі ў лесе паблізу. Дапамог у гэтым кіраўнік сацыяльна-экалагічнай установы «Захаванне і развіццё Ельні» Андрэй Літвінаў.
Экатур па знаёмых ваколіцах
Далучылася школа да праекта «Сельскі турызм праз сельскую школу». Разам з калегам Сяргеем Хамянком распрацавалі экалагічны адукацыйны турыстычны маршрут. Першы пункт – Чапукоўская школа, далей крыніца «Святая вада Дзехцяроўская» і заказнік «Ельня» з праходжаннем па балоце і наведваннем хутара Сухія. На гэтым хутары знаходзіцца сядзіба «Жураўліная Ельня», дзе гаспадарыць Андрэй Літвінаў. Плануе абсталяваць тут экаадукацыйную пляцоўку з плакатамі, стэндамі. Для гэтага падаваў заяўку на конкурс мясцовых ініцыятыў, што праходзіць у рамках праекта «Разам для грамады і прыроды…»
ДЛЯ ДАВЕДКІ
Грамадская арганізацыя «Беларускі Зялёны Крыж» утворана ў 1999 годзе. Займаецца пытаннямі экалогіі, навукі, адукацыі, культуры і аховы здароўя. У ліку накірункаў дзейнасці – узаемадзеянне з сельскімі школамі. Першы – «Школьны сад для развіцця сельскагаспадарчага прадпрымальніцтва», другі – «Сельскі турызм праз сельскую школу».
Фотаматэрыял прадастаўлены Чапукоўскай школай.
Дзмітрый ВАСІЛЕНКА.
Официальный сайт районной газеты" Миорские новости «©2010-2026 "mijory.by". Все права защищены. Индекс 63971. Перепечатка материалов разрешается только с указанием обратной ссылки на источник материала; фотоматериалов-только с официального разрешения. Редакция публикует материалы в порядке обсуждения, не разделяя точку зрения автора. Авторы отвечают за подбор и достоверность фактов
Наш сайт использует файлы cookie, в том числе сервисов веб-аналитики, чтобы улучшать работу сайта и делать его удобнее. Продолжая пользоваться сайтом, вы соглашаетесь на обработку персональных данных при помощи cookie-файлов. Подробнее в Политике обработки персональных данных и Информации об используемых файлах куки.