Рэспубліканская прафілактычная акцыя «Дом без гвалту!» праходзіць з 10 па 16 сакавіка. Скіравана на прыняцце мер прафілактычнага ўздзеяння да асоб, якія ўчыняюць хатні гвалт.

Падчас акцыі супрацоўнікі РАУС працягваюць работу па вырашэнні праблем, звязаных з хатнім гвалтам. У абавязковым парадку аказваецца кваліфікаваная дапамога пацярпелым з прыцягненнем прадстаўнікоў устаноў аховы здароўя, ТЦСАН, арганізацый, якія ажыццяўляюць эксплуатацыю жылфонду і жыллёва-камунальныя паслугі.

Праваахоўнікі тлумачаць жыхарам раёна палажэнні заканадаўства па папярэджанні хатняга гвалту. Асобам, якія не працуюць, учыняюць хатні гвалт або церпяць ад яго, аказваецца садзейнічанне ў працаўладкаванні. Грамадзянам, якія два і больш разоў прыцягваліся да адміністрацыйнай адказнасці ў стане алкагольнага ап'янення, у тым ліку за хатні гвалт, неабходна наркалагічная дапамога.

Далучыцца да акцыі могуць жыхары раёна. Папярэдзіць трагічныя наступствы сямейных канфліктаў – наш грамадзянскі і чалавечы абавязак. Таму не варта заставацца ўбаку працоўным калектывам, грамадскасці, сваякам і ўсім, каму вядома пра сямейных дэбашыраў і нядобранадзейныя сем'і.

! Сталі ахвярай або сведкам гвалту – неадкладна звяртайцеся па дапамогу на тэлефон даверу для пацярпелых ад сямейнага гвалту 5 27 44 (ананімна і кругласутачна) або на нумары дзяжурнай часці РАУС 102 ці 597 00 66.

 Сяргей СТОМА, начальнік аддзялення аховы правапарадку і прафілактыкі РАУС.