Праграма складалася з некалькіх паслядоўных этапаў. Дзе падсцерагае небяспека? На дарозе, пры абыходжанні з агнём, на вадзе, дома і нават у інтэрнэце. На кожным этапе дзеці абмяркоўвалі небяспечныя сітуацыі, прапаноўвалі спосабы іх папярэджання, выконвалі заданні, спаборнічалі ў конкурсах. Абедзве каманды-ўдзельніцы паказалі добрыя веды па правілах дарожнага руху ў гульні "Пытанне-адказ", на выдатна "сабралі" прымаўкі пра агонь у конкурсе "Народная мудрасць", знайшлі ўсе памылкі ў расказе пра паход дзяцей у лес, "расклалі" па кошыках добрыя і ядавітыя грыбы, адшукалі небяспечныя прадметы ў сваім доме падчас гульні "Хто больш?" Завяршальны конкурс—"Казка хлусня, ды ў ёй намёк". Ад удзельнікаў патрабавалася скласці казку з правіламі бяспечнага карыстання інтэрнэтам.

Дзеці ўзнавілі і паглыбілі свае веды па асновах бяспекі жыццядзейнасці. Прызы для пераможцаў—флікеры, што  гарантуюць бяспеку на дарозе ў цёмны час сутак.

Хочацца пажадаць усім актыўнага і вясёлага лета, добрага надвор'я, выдатнага настрою і няхай свет, у якім мы жывём, будзе бяспечным!